د جرمنی د تینس په دویم پړاو سیالیو کی د فرانسې او دجرمنې هامبورګ  دلوبډلو ترمينځ لوبه ترسره شوه .
 د جرمنی د ټیم  څخه فلورین مایر د خپلو نورو څلورو ملګرو سره دلوبې په سرکی .
په لومړی سر کی مایرشپږ ،څلور او شپږ دوه ګولونه ووهل .
او په پای کی د جرمنی تګړه لوبغاړو د شپږ دری ، څلور شپږ ، او اوه پنځه  ګولونو په وهلو سره بریا ترلاسه کړه او لوبه یی یی د خپلی لوبډلی په ګټه پای ته ورسوله
World cap        Brazil
د برازیل ولسمشر لیوزانچو لولاډاسلوا  ټنګار وکړ  چی هيواد به د دوه زره څوارلسم ميلادي کال د نړيوال  کپ په نړیوالو سیالیو کی برخه واخلی .
د برازیل  ولس مشر  د خپلې کابینی وزیرانو ، سیلانیانو او زرګونو خلکوته وویل چی برازیل به  د سپورت په برخه كې په زرګونو میلیونه ډالره  ولګوی تر څو خلک  يي له سپورت سره مینه پیداکړی .
همدارنګه د برازیل د سپورت وزیر ارلاندو سیلوا وویل چی  د سپورت په برخه کی به زیاته پانګونه وكړي .
Glf 
د امریکا دمتحده ایالاتو  د ګلف په سیالی کی  د مات بیټین کورت لوبډلی اتلولی ترلاسه کړه او ویی کولای شول چې د اته شوټونو په وهلو سره د هینتز لوبډلی ته ماتی ورکړی  او د د غی سیالی ګتونکی شی.
امريكی ددې لوبې په ګټلو سره وتوانيده چې دګلف   نړیوالو سیالیو ته  لاره پيداكړي.
د هینتز لوبډلی د اته شوټونو په وړاندی د دری شوټونو په ترسره کولو سره ماتی وخوړه او لوبه یی د خپل امریکایی سیال جان میرک  په ګټه پای ته ورسوله .

---

 د تيكواندو سيالي چې د ملي ټيم د ټاكلو په موخه كابو يو مياشت وړاندې پيل شوې دي اوس هم دوام لري .ددغه سياليو مشر بشير تركي وايي چې په دغه سياليو كې د مركزاو دوو ولايتونو كاپيسا او پروان څخه پينځه سوه لوبغاړو ګډون كړې چې ددغه سياليو وروسته به اته لوبډلې د غوره ليګ سياليو ته لاره پیدا كړي . د يادولو وړده چې په راتلوونكي څو ورځو كې به د هيواد اته غښتلي لوبغاړي بنګلديش ته د سياليو د ترسره كولو په موخه لاړشي چې په دي ډله كې به څلور تنه يي نجوني وي.

 

انګلستان كركټ پاكستان سريلانكا :
دپاكستان دكركټ ملي لوبډلي داولسوو كلونو وروسته يوځل بيا وكولاي شول چي دكركټ نړيواله اتلولي خپله كړي، نوموړي سيالۍ چي دلندن په لارډز لوبغالي كي ترسره شوه پاكستانۍ لوبډلي دشاهد افريدي په مټ وكولاي شول چي خپله سيالۍ په اتوو لوبغاړو له مخي پورته كړي  .

ويمبلډن ټينس :
دويمبلډن ټينس نړيوالي سيالۍ به نن دټينس دنړۍ دبيلا بيلو پياوړو لوبغاړو ترمينځ پيل شي ، تراوسه پوري ددي سياليو داتلولۍ لاسته راوړلو په موخه په نارينه برخه كي  سويسي راجررفيډرر او انډي موري ا وپه ښځينه لوبغاړو كي وينيس ويلمز، ماريا شرفووا، او ډينارا سفينا داتلولي لاسته راوړلو په موخه غوره لوبغاړي پيژندل شوي دي .

انګلستان ښځينه كركټ :
دبل پلوه دانګلستان دنارينه كركټ لوبډلي دنړيوالو سياليو داتلولۍ خوب دهغوي ښځينه لوبډلي پوره كړ، ددوه زره نهم كال دښځينه كركټ دشلواورونو دنړيوالو سياليو په پاي لوبه كي كوربه لوبډلي دلارډزبه تاريخي لوبغالي كي وكولاي شول چي دنوي زيلينډ لوبډله په شپږو ويكټو له مخي پورته كړي اودروانو سياليو اتلولي دخپل هيواد په نوم كړي .

افغانستان :
نن دالمپيك په ملي كميټه كي دلومړي ځل لپاره د سكيټ لوبي دمركزلپاره دبنسټ ډبره كيښودل شوه ، دغه مركزپه پنځه زره مترمربع ځمكه كي د څلوروهيوادونو ډنمارك ، ناروې ، كاناډا او المان په مالي مرسته جوړيږي چي ددوه سوه زرو ډالرو په لګښت به ددوو مياشتو په موده كي  ګټي اخيستي ته چمتو شي .

پاكستان كركټ يونس خان :
دبل پلوه دپاكستان لوبډلي اتل كپتان يونس خان چي تيره ورځ يي پاكستان ته دكركټ اتلولي ورپه برخه كړه دشلو اورنو دنړيوالو سياليو څخه دګوښه كيدو اعلان وكړ، نوموړي همدارنګه دغه اتلولي دپاكستان لوبډلي پخواني روزونكي باب ولمرته ډالۍ كړه چي دكركټ په دوه زره اووم نړيوال جام سياليو كي په ناڅاپي توګه وژل شوي وه.

اروپا فوټبال :
دغه سيالۍ چي تيره شپه د انګلستان په مانچسټركي دارسنال او مانچسټريونايټيډ لوبډلو ترمينځ ترسره شوه په پاي كي د مانچسټريونايټيډ لوبډلي د پياوړي لوبغاړي جون اوشيا لخوا دلوبي په لومړيو كي په ګول ترسره كولو سره خپله سياله ارسنال يوه صفرله بريا څخه ناهيلي كړه چي پدي ماتي سره دارسنال لوبډله په روانو سياليو كي دمخكي تګ څخه بي برخي خو دمانسچټريونايټيډ يوځل بيا ددي موقه ترلاسه كړه چي ددوه زره نهم كال داروپا دفوټبال كلپونو اتلولي خپله كړه .
خودبل پلوه دارسنال لوبډلي روزونكي ارسن وينګر چي دخبريلانو پوښتونو ته يي ځوابونه ويل دخپلي لوبډلي دلوبي ستاينه وكړه دهغه په وينا چي دهغه لوبډلي په خپل كورني او بهرنيو لوبغالو كي ډيري ښي لوبي ننداري ته وړاندي كړه چي ننۍ لوبه يي يومثال وه دهغه په وينا چي دهغه لوبډله به په راتلونكو سياليو كي لاپسي ښي لوبي ننداري ته وړاندي كړي خو بيا هم دتيري شپي په ماتي سره خوښ نه يمه .

د افغانستان د كركټ ملي لوبډلي   چي نن  يي د سكاټلند هيواد د ملي لوبډلي سره يوه  په  زړه پوري لوبه درلوده  د لوبي په پاي كي د افغانستان د كركټ  ملي لوبډلي وكولاي شول چي د سكاټلند ملي لوبډلي  ته  په دوه څلويښت منډو ماته وركړي
نوله همدي امله   د شمشاد  ټلويزيون مشرتابه او كاركوونكي د افغانستان د كركت د ملي لوبډلې اتلولي ټولو هيوادوالو ته د زړه له كومې مباركي وايي . د يادولو وړ ده چي د افغانستان د كركټ ملي لوبډله به د راتلوونكي جمعي په ورځ د ناميبيا هيواد د ملي لوبډلي سره لوبه تر سره كړي